FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

Ua 'āmui atu te Peretiteni Edouard Fritch e te Fa'aterehau vahine no te Ha'apiira'a e no te mau Tū'aro, o Nicole Sanquer-Fareata, i te ahiahi mahana pae ra, i Pira'e, i roto i te 'oro'a no te 'operera'a i te mau Re no te mau Harura'a 'Aito no te Ao nei no te Va'a Maratona.

 

Ua 'anapanapa maita'i te feia hoe va'a no Tahiti i roto i teie hoera'a va'a, 'inaha, ua ro'aa mai ia ratou 13 rahira'a Feti'a, e i roto i te reira, 10 Feti'a 'Auro. No reira, ua haru mai ia o Tahiti i te ti'ara'a matamua, i mua roa i roto i teie tata'ura'a no te Ao, atea rahi roa i mua ia Niu Terani e ia 'Auteraria.

 

Ua ha'apoupou maita'i te Peretiteni e te Fa'aterehau vahine no te mau Tu'aro i te manuia rahi o tei roa'a mai i te ta'ato'ara'a o te feia hoe porinetia, i roto i te ta'ato'ara'a no teie hepetoma, e ua ha'apoupou fa'ahou a rua i te maita'i no te tapura 'ohia o tei ravehia mai e te Tomite Fa'atere, mai te 'omuara'a e tae noa'tura i te hopera'a taua tata'ura'a hoera'a va'a maratona ra.

 

Ua faata'iruru te mau harura'a 'aito matamua roa no te Ao nei no te Va'a Maratona, no te roara'a hō'ē hepetoma i Tahiti nei, e 34 rahira'a tomite, no te mau faito rau ato'a, e tae noa'tu i te parava'a.

 

 

article thumbnailUa tupu te ‘Āpo’ora’a a te mau fa’aterehau, i te mahana toru ra, i te Peretitenira’a no Porinetia farani.   
A hi o i te tahi e atu mau āpo’ora’a a te mau fa’aterehau