FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

Ua 'āmui atu te Peretiteni no Porinetia farani, o Edouard Fritch, e tae noa'tu e rave rahi no tā'na mau Fa'aterehau, i te pō mahana toru ra, i roto i te 'āru'i no te 'ōperera'a i te mau Rē no te Heiva 2017, i To'ata.

 

'Āhuru ma'piti pupu o tei tapa'ohia i roto i te tuha'a no te 'ori, e 8 mau Hura ava tau e e 4 e mau Hura tau. 'Āhuru ma'ono mau pupup no te tata'ura'a i roto i te mau fa'anahora'a no te himene. Ta'a-è noa'tu  te mau Rē no te Pupu Maita'i roa a'e no te 'ori e no te himene no te mau tuha'a rau no te tata'ura'a, ua horo'a ato'a te Tomite i te Rē no te Ta'ata Papa'i Maita'i roa a'e, no te Vahine 'ori e no te Tane 'ori maita'i roa a'e, no te pupu rohi pehe maita'i roa a'e, te mea fa'ahepohia e te mea peu tumu, no te 'ahu matura maita'i roa a'e e no te 'ahu rahi roa a'e, e te hope'a e  rave rahi mau re ta'a-è. I teie matahiti, teie te mau mero no te Tomite, o Matani Kainuku, o Kehaulani Chanquy, o Vaihere Pohue, o Léontine Degage, o Wilson Mahuta, o Pierrot Faraire, o Moana'ura Teheiura, o Jean-MArc Zinguerlet e o Steve Chailloux. I teie matahiti, ua 'ōpere te Tomite e 51 rahira'a re, no te hō'ē faito ta'ato'a e 9 260 000 toata farane.

 

No reira, te Rē matamua no te faito Hura tau- te Rē Madeleine Mou'a- ua mahere atu ia i te pupu a Makau Foster, Tamariki Poerani, o tei haru ato'a atu i te Rē no te 'ahu rahi nehenehe roa a'e. Te Rē matamua no te Hura ava tau- te Rē a Gilles Hollande, ua horo'ahia'tu ia na te pupu Nuna'a e hau, arata'ihia mai e John Maira'i. Te mau Rē no te vahine 'oro roa a'e e no te tane 'ori roa a'e, ua mahere atu ia, ia Hauani Taputu no te pupup Teva i Tai, e o Noarii Teiva no te pupu Tamariki Poerani.

 

I te pae no te mau « himene tumu », ua horo'ahia te Rē matamua no te « Tarava Tahiti » na te pupu Reo Papara e to te « Tarava Raro Mata'i », ua horo'ahia na Te Pare Ora no Papofa'i, o tei haru ato'a atu i te Rē matamua no te « 'Ute Paripari ». Ua mahere atu te Rē matamua no te « Tarava Tuha'apae » ia Tamarii Tuha'apae no Mahina, 'āre'a to te « Himene Ru'au », a horo'ahia'tu ia na Te mau Tamarii Mahina.

 

Ua ha'apoupou maita'i atu te Peretiteni i tera rahira'a e 2 800 rahira'a rahua, no tera e 28 rahira'a pupu  o tei haere mai ma to ratou « tino e to rātou 'ā'au » no teie Heiva 2 017 e no te fa'aoraora fa'ahou maita'ira'a mai i te Ta'ere na roto i teie Ha'aputuputura'a rahi no te Ta'ere, no Porinetia farani nei.

article thumbnailUa tupu te ‘Āpo’ora’a a te mau fa’aterehau, i te mahana toru ra, i te Peretitenira’a no Porinetia farani.   
A hi o i te tahi e atu mau āpo’ora’a a te mau fa’aterehau