FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

Te Peretiteni Edouard Fritch, te Fa’aterehau no te Nohora’a, o Jean-Christophe Bouissou e te Fa’atere Rahi no te Pū Porinetia no te Nohoraa (OH), o Moana Blanchard, o tei ‘āmui no te horo’ara‘a, i te hopera’a te pae po’ipo’i no te mahana pae ra, i te Peretitenira‘a , i te mau parau tauturu materia AAHI na e 211 mau ‘utuafare fetii no Tahiti. Te reira mau ‘utuafare fetii no : Afa‘ahiti mai, ‘Arue, Fa’a’a, Fa’aone, Hitia’a, Maha’ena, Mahina, Mataiea, Pa’ea, Papara, Papeari, Papeete, Papeno’o, Pira’e, Puna’auia, Tautira, Teahupo’o, Ti’arei e Vaira’o. E nehenehe atura ia ta rātou na roto i taua parau tauturu materia ra e fa’a’āpi fa’ahou mai i to rātou mau fare nohora ‘a.

 

Te fā o te mau tapura ‘ohipa AAHI no te fa’a‘āpira’a ihoa ia i te mau ‘utuafare nohora’a i roto i te mau motu ato’a no Porinetia farani, na roto i te ravera’a i te mau tapura ‘ohipa no te tata’ira’a e no te fa’a’apira‘a ia paruruhia te mau nohora’a, na roto i te fa’a‘āpira’ a i to ratou mau vahi o tei pē, ia vai pa’ari noa rātou e ia vai rari ‘ore noa’to’a rātou, e ia vaihau noa te feia e fa’aea ra i roto. Ia ‘āmuihia te ta‘ato’ara’a no taua mau parau tauturu materia ra, tei ni’a ia i te faito 168 000 000 farane.

 

Hau atu i te reira, 12 ato’a mau ‘utuafare o te nohora’ a i roto i te mau ‘ōire no Hitia a, Papeno’o, Mataiea, Papeari, To’ahotu e Paopao (Mo’orea)o tei farii ato’a mai i te mau taviri no to ratou mau fare OPH oti ‘api roa, e o tei roa’a to rātou mau parau mana fa’ a’itera’ a e nehenehe ratou e noho i roto. E i rave’a i roa’a mai ai to rātou mau fare, ua ‘aufau atu na te reira mau ‘utuafare i ta rātou tuha’a mai te 150 000 farane e tae atu i ni’a i te 300 000 farane, ia au ato’a i ta rātou maui faufa’a moni e o maira e i te rahira’ a o te mau ta‘ata e fa’a’amuhia ra.

Na roto i taua fa’anahora’a ra, te pahono ra ia te Haufenua i te hia’aira’a tuimu o te mau  ‘utuafare fetii no te fatura’a i te hō’ē fenua e te hō’ē fare i Tahiti e i te mau motu.

article thumbnailUa tupu te ‘Āpo’ora’a a te mau fa’aterehau, i te mahana toru ra, i te Peretitenira’a no Porinetia farani.  
A hi o i te tahi e atu mau āpo’ora’a a te mau fa’aterehau