FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

Ua ha'amara'a atu na te Peretiteni Edouard Fritch, i te monire ra, i ni'a i te 'Āpapara'a Toanui no te Feti'a Hanahana no Tahiti Nui, i te Ha'ava Vahine ra no te mau Tamarii, o Marie France Luneau.

Ua tau’aparau atu na te Peretiteni Edouard Fritch e te Peretiteni tahito no te mau Fenua Marite mā, o Barack Obama, o tei tere mai nei no te hō’ē purutiara’a huru maoro i Porinetia nei.

Ma te ‘āpe’ehia e te Peretiteni no Porinetia farani, o Edouard Fritch, te Tomitera Teitei no te Repupirita, o René Bidal, te Fa’aterehau no te mau Faufa’a Tumu e Tavana ‘Ōire no Teva i Uta, o Tearii Alpha, ua ‘āvari atu te Fa’aterehanui no te Ture, o Jean-Jacques Urvoas, i te Pū Fare Tape’ara’a “Tatutu” no Papeari.

Ua ‘āmui atu te Peretiteni Edouard Fritch, ma te ‘āpe’ehia’tu e te Fa’aterehau no te mau Autahira’a, o Jacques Raynal, i roto i te Mahana no te ha’amaramaramara’a e no te fa’a’ite’itera’a, o tei fa’atupuhia i te po’ipo’i mahana toru ra, e te Tomite no te mau Vahine no Porinetia, i roto i te Tamaru no te ‘Āpo’ora’arahi no Porineia farani (APF), i roto i te Mahana no te Ao o te mau Vahine, i ni’a i teie parau tumu no teie matahiti : « A ara ana’e ! A hina’aro ana’e i te tauira’a ! »

Ua ‘āmui atu te Peretiteni no Porinetia farani, o Edouard Fritch, ma te ‘āpe’ehia’tu e te Mono-Peretiteni Teva Rohfritsch, tei reira ato’a te Fa’aterehau no te Nohora’a, no te Fa’anahonahora’a e no te Taura ‘Ōire, o Jean-Christophe Bouissou, te Tavana ‘Ōire no Papeete, o Michel Buillard, e te ti’ā’au i te tōtaiete Newstone i Porinetia farani, o Jean Baptiste U,i te mahana toru ra i te po’ipo’i, i roto i te tu’ura’a ‘Ōfa’i Tii no te patura’a i te Pū Nohora’a Rava’i Pape Ora, e vai i Papeete, i roto i te aroa Paraita.

Ua farii atu te Peretiteni Edouard Fritch, ma te ‘āuaha’a’atihia e tā’na mau Fa’aterehau e te Peretiteni no Tomite o te mau Pūmana no te ‘Āpo’ora’arahi no Porinetia farani, o Michel Buillard, i te avatea mahana piti ra, i te Tomite Huito’ofa arata’ ihia mai e Catherine Troendle, Mono-Peretiteni no te Tomite o te mau Ture o te ‘Āpo’ora’a Huito’ofa.

article thumbnailUa tupu te ‘Āpo’ora’a a te mau fa’aterehau, i te mahana toru ra, i te Peretitenira’a no Porinetia farani.   
A hi o i te tahi e atu mau āpo’ora’a a te mau fa’aterehau