FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

Ua mā’itihia o Marcel Tuihani ei Peretiteni no te ‘Āpo’ora’arahi no Porinetia farani i te po’ipo’i monire ra. Ua roa’ahia iā nā e 38 reo e ua ha’apoupouhia ‘ōia e te Peretiteni no Porinetia farani, o Edouard Fritch.

 

Ua riro mai ia o Marcel Tuihani ei Peretiteni ‘āpi no te ‘Āpo’ora’arahi e na na i mono atu ia Edouard Fritch, o tei fa’autahia’tu na i ni’a i te ūpo’o no taua pūmana ra mai te me 2013 e tae mai i te ‘āfara’a-tetepa 2014.

 

I roto i ta na ‘ōrerora’a ei tino e horo no taua ti’ara’a ra, o tā nā i ‘orero hou te mā’itira’a, ua fa’a’ite mai o Marcel Tuihani i tō nā hina’aro e ia tamau noa te ’Āpo’ora’ahau e te ’Āpo’ora’arahi i te rave ’āpipiti i te ’ōhipa mai tei orahia mai na i mua atu.

 

Toro’a ‘Āivana’a ‘ohipa tō nā, na mua atu, ua mau na te Peretiteni no te ‘Āpo’ora’arahi I te ti’ara’a Fa’aterehau no te Nohora’a, no te mau ‘Ōhipa fenua, no te Fa’arava’ira’a faufa’a tanumera e no te Rima Ī, ti’ā’au i te ha’afatura’a i te fenua e te mau nohora’a tōtiare e i te mau fā’ira’a i roto i te miti e no te fare rata, ‘Āfa’ifa’i parau no te ‘Āpo’ora’ahau a Gaston Flosse.

article thumbnailUa tupu te ‘Āpo’ora’a a te mau fa’aterehau, i te mahana toru ra, i te Peretitenira’a no Porinetia farani.  
A hi o i te tahi e atu mau āpo’ora’a a te mau fa’aterehau