ŌRERORA’A

‘Ōrerora’a na Edouard Fritch tane,

Peretiteni no Porinetia farani,

 

 

Tōmite Pairati,

Titorotorora’a pupu ‘āivana’a a te Ao no ni’a i te mau faufa’a pape ora no raro i te fenua i Porinetia farani

 

E te Tōmitera Teitei no te Repupirita farani,

 

E te mau Fa’aterehau vahine e te mau Fa’aterehau tane,

 

E te mau Tuahine e te mau Taea’e,

 

Te ‘ōti’a moana fa’arava’ira’a faufa’a (ZEE) a Porinetia farani, o te nūmera piti no te ‘ōti’a moana rarahi roa a’e no Patitifa Apato’a, i muri mai ia ‘Āuteraria, e nō’nā noa e pū’ohu mai ‘ōia e 47% no te ta’ato’ara’a no te mau ‘ōti’a moana (ZEE) farani. Te mau pou metua tupuna no te fa’arava’ira’a faufa’a a Prinetia farani (fariira’a ratere, fa’a’apura’a parau e te poe e te rava’aira’a), tei ni’a rātōu pa’ato’a i te moana i te ta’otora’a. I teie mahana, e ‘iriti mai te moana e rave rahi mau punavai ‘api no ta tātōu mau fa’arava’ira’a faufa’a ‘aua’e te ‘āpo’orahi faufa’a pau ‘ōre no te mau punavai pape ora e mauhia ra e ana i roto iā’nā.

 

E mea ti’a ia fa’aha’amana’ohia e taua mau punavai pape ora ra o te parauhia « mauha’a mana », o tei riro ia i teie mahana ei punavai faufa’a rahi no te fa’ahotu i te mau fa’arava’ira’a faufa’a no te mau taiete hamanira’a tauiha’a no teie ‘ānotau, o te riro atu i roto i te fa’atipoupoura’a hotu rahi e hina’aro rahihia i ni’a i te punavai.

 

A tau matahiti i teie nei, te rave-noa-ra’ahia mai te mau tareni pū ‘ihi ma’imira’a o tei fā’i i te mau taiete ‘imi minera i te fa’ahina’aro rahira’a mai. No reira, ua haro’a’iteahia mai : te mau notura ‘ōfa’i tararapu pu’ehia i ni’a i te rarora’a o te tohe moana, te mau vari paruparu ‘āno’i repo, ‘āuri, magnésium, manganèse (te cobalt ihoa ra), te mau vari paruparu e ‘āuri metara to roto o tei i i te faufa’a ‘ōti’a ‘ōre no te mau fenua varavara… E rave rahi taua mau punavai faufa’a rahi ra o tei riro no te mau tau i mua nei ei punavai faufa’a o te ‘imirahihia e o te fa’a’ōhipa rahihia no te tau tano noa e no te tau maoro e o te horo’a papu mai i te aho ‘āpi i roto i ta tātōu fa’arava’ira’a faufa’a.

 

 Teie ra, e mea titauhia tātōu ia mataara e ia maramarama maita’i e te mau fa’anahora’a no te haerera’a e tii i taua mau faufa’a ra, e ‘ere ia i te mea ‘iteahia, e mea titauhia ia, ia tuatapapa maita’i na mua a’e a rave atu ai i te fa’a’ōtira’a.

 

No te reira tumu, te Haufenua i fa’aōti ai e ani i te mau matutura’a fa’anahora’a ‘aivana’a a te mau ‘ihi ‘āivana’a, o tei ‘i i te ‘ite e te ‘aravihi i te ao nei, no ni’a iho i te mau rave’a no te tiira’a e putu mai i taua mau fa’afa’a pape ora ra mai raro mai i te hohonura’a o te moana, i roto i to’na ‘ōti’a moana. Te ha’amauruuru nei au i te Haunui no tō’nā ‘āpe’e tauturura’a mai ia tatou i roto i taua tauto’ora’a ra.

 

Ta tātōu titaura’a, no ni’a ia i te taiete taipe ‘ihi ma’imira’a no te rave i taua tapura ‘ōhipa rahi ra no te hō’ē pu’etau roa, ia ha’ahia mai te reira e e hō’ē taiete ‘itehia e tu’i te ro’o no tō’nā ‘āravihi no taua mau tapura ‘ōhipa. Tae roa mai i teie mahana, e nehenehe ta te IRD e tūoro fa’atiete iā’nā, no na rurura’a ‘ihi mā’imira’a (‘āivana’a 13 o tā’nā i fa’atupu mai, o tei fa’a’ite papu mai ia tātōu i tā’nā tuha’a rahi roa i roto ia Porinetia farani ‘āua’e tā’nā mau tapura ‘ōhipa no te ha’afaufa’ara’a i ta tātōumau faufa’a natura.

 

Te tareni o tei ha’ahia mai e te IRD, na te reira e horo’a mai i roto i te ‘Āpo’ora’ahau no Porinetia farani i te mau rave’a no te maura’a :

-          I te hō’ē faito ‘ite ‘aravihi no roto mai i taua mau putuputura’a ‘ihi mā’imira’a ‘āivana’a no te putura’a mai i taua mau punavai pape ora ra no roto mai i te mau hohonura’a o te moana i roto i tō’nā ‘oti’a moana (ZEE),

-          Te hō’ē ha’apapura’a i te huru no te mau vahi e te nu’ura’a o te maramarama e o te mau ‘ite , te mau fa’anahora’a rave’a fa’a’ohipara’a e te mau rave’a tauiha’a ‘āravihi e fa’ahiahia, te mau faufa’a ‘āmui, no ni’a iho i te paora’a mai e i te putura’a mai i taua mau punavai pape ora ra no raro i te mau hohonura’a o te moana i roto ia Patitifa, e no te hi’ora’a fa’aauhia, ia fa’atu’atihia’tu i ni’a i te faito o teie nei ao,

-          Te hō’ē hoho’a ‘āvei’a no te tamaura’a i te mau hi’opo’ara’a ia ‘iteaha te mau fa’anahora’a e au ia fa’a’ōhipahia no te fa’ahotura’a i taua mau punavai ra no te pu’etau autano noa e no te pu’etau maoro (te mau hoho’a fenua, te mau porotahua pairati, te mau fa’ahotura’a, te mau ravea fa’atauira’a e rapa’aura’a, te mau topatopa i roto i te mau tuha’a e ‘ōhipahia ra, e te mau fifi e nehenehe e tupu mai), e te fa’anahora’a hou a’e a tupu mai ai, te hamanira’a i te tahi hoho’a arata’i no te fa’ahotura’a i taua mau punavai ra no te tahi pu’etau maoro i taua mau punavai pape ora ra no raro i te mau hohonura’a o te mau moana i Porinetia farani.

 

 

E mea faufa’a rahi roa te mau numera e tia’ihia ra no roto mai i taua mau titorotorora’a ra no Porinetia farani. Na mua roa, no te mea, e horo’a mai ‘ōia i te hō’ē pū’ohura’a no te mau ha’amaramaramara’a ‘ihi ma’imira’a ‘aivana’a ha’amanahia e te hō’ē fa’aaura’a fa’aauhia o te ao nei ; e i muri mai, no te mea, e vai ato’a mai ia ta tatou mau ha’amaramaramara’a no te arata’ira’a i te ha’amaura’a i te hō’ē hoho’a arata’i no te putura’a mai i taua mau punavai pape ora ra no raro i te mau hohonura’a o te moana i Porinetia farani.

 

E na reira tātōu i te haere e nehene ai ia tātōu ia putu faufa’a hotu mai i taua mau punavai pape ora ra no raro mai i te hohonura’a o te moana i Porinetia farani nei.

 

I teie mahana, ua fa’auta te ‘Āpo’ora’ahau i tō’nā ti’aturira’a papu no te fa’aru i te ha’amahutara’a i ta tātōu fa’arava’ira’a faufa’a, ia ‘iteahia mai te mau taviri i teie nei a, no te pahono i te mau hia’aira’a no te fa’atupura’a i te ti’ara’a ‘ohipa e no te mau tareni a to tātōu nuna’a huira’atira, a ta tātōu feia ‘āpi ihoa ra, no te fa’aineine e no te pahono vavera’a i te mau hia’aira’a, na roto i taua mau tapura ‘ōhipa ra, no te’ānanahira’a o to tātōu hotu ‘āhunera’a.

 

Te farii poupou atu nei au ia ‘ōutōu, i roto i teie Tōmite Pairati, o tā’ū e ‘oa’oa nei  i te peretteni-ti’a-pitira’a e te Tōmitera Teitei. Te ti’aturi nei au e fanau mai, na roto i teie nei farereira’a, te tahi mau faufa’a no to tātōu ‘itera’a atu i te nu’ura’a e te hotura’a o te mau tapura ‘ohipa a teie Pu a te mau ‘Āivana’a, ia matara ato’a mai te mau mana’o hi’o no te ha’afaufa’a atu i te mau titorotorora’a a te mau ‘āivana’a.

 

Mauruuru i to ‘ōutōu tae-rahi-ra’a mai.

 

Mauruuru.