Fa’aterera’ahau no te Fariira’a Ratere

Fa’aterehau vahine no te Fariira’a Ratere, no te mau Utara’a na te Ara, Ti’ā’au i te mau Aura’a e te mau Pū mana (MTT).

Ua ‘āmui atu na te Fa’aterehau vahine no te Fariira’a Ratere, o Nicole Bouteau, e e Fa’aterehau no te mau Patura’a Rarahi, o Luc Faatau, i te po’ipo’i mahana maha ra, i te Farehau no Papeete, i roto i te vauvaura’a i te mau ‘ōpuara’a no te fa’anahonahora’a i roto i taua ‘Ōire ra, fa’aterehia mai e te Tavana ‘Ōire iho no te ‘Ōire no Papeete, o Michel Buillard.

I te mea, ua manuia maita’i na te mau tata’ura’a no 2 015 e no 2 016, na roto ato’a i te mara’ara’a te faito rahira’a huira’atira i ‘amui mai i roto i te mau tata’ura’a, te mau ta’atira’a e te mau ‘oire, ua vauvau mai te Fa’aterehau vahine no te Fariira’a RAtere, o Nicole Bouteau, i te mahana toru ra, i roto i te putuputura’a a te ‘Apo’ora’a a te mau Fa’aterehau, i te Torura’a no te tata’ura’a « E fa’a’una’una vau i toà’u ‘Oire ».

Ua tae tino atu te Fa’atere vahine no te Fa’aterera’ahau no te Fariira’a Ratere, no te mau Utara’a na te Ara, ti’ā’au i te mau Aura’a e te mau Pūmana, o Anne-Sophie Locquegnies-Goupil, e te Ra’atira no te Piha no te Fariira’a Ratere, o Bruno Jordan, i te avatea monire ra, i te ‘avarira’a i te matini matamua roa no te « feti’a-mana’ora’a » i Porinetia farani nei, o tei  ha’amauhia i te taura’a manureva no Tahiti-Fa’a’a i te tahua i raro i te tamaru no te « mau fa’arevara’a na te ara ».

I teie nei, tei  Fort Lauderdale i Floride te Fa’aterehau vahine no te Fariira’a Ratere e no te mau Utara’a na te Ara, o Nicole Bouteau, no te ‘āmuira’a atu i roto i te Taupe’e no te Ao no te Ratere Tere Oriori Mata’ita’i na ni’a i te Pahi- Seatrade Cruise Global 2 017 o te tupu mai te 13 e tae atu i te 16 no mati nei.

I muri a’e i te tere hi’opo’a i roto i te ‘Ōire no Huahine i nanahi atura, ua tere atu te Tomite ‘Āpo’ora’ahau arata’ihia e te Pereiteni Edouard Fritch, i te mahana ma’a ra, i Ra’iatea. I to rātou ihoa taera’a atu i taua motu ra, ua tere atu taua Tomite ra e hi’opo’a i te tahua ‘ōhipara’a ‘āpi no te uahu o te feia rava’ai e vai i ‘Uturoa. Ua oti te mau ‘ōhipa no te hamanira’a i te uahu, tera ra, te vai noa a ra te mau tapura ‘ōhipa tapiri mai (te mau vaira’a pere’o’o, te mau poromu terera’a, etv) o te te noa a ra e o te fa’aineine noahia nei a e tu’u i roto i te horo’ara’a matete.

Ua tere atu te hō’ē Tomite ‘Āpo’ora’ahau arata’ihia e te Peretiteni Edouard Fritch, i te mahana pae ra, i Huahine. Ua fariihia mai rātou e te Tavana ‘Ōire no Huahine o Marcellin Lisan, te ‘Apo’ora’a ‘Ōire e te ‘Āuvaha no te ‘Āpo’ora’arahi no Porinetia farani, o Félix Fa’atau, i muri mai, ua rave atu taua Tomite tere ra e rave rahi mau hi’opo’ara’a i ni’a i te tahua.