Fa’aterera’ahau no te Ha’apiira’a

Fa’aterehau vahine no te Ha’ apiira’a, no te Feia ‘Api e no te mau Tu’aro, Ti’a’au i te Ha’apiira’a Teitei (MEE).

Ua 'āmui atu te Peretiteni Edouard Fritch e te Fa'aterehau vahine no te Ha'apiira'a e no te mau Tū'aro, o Nicole Sanquer-Fareata, i te ahiahi mahana pae ra, i Pira'e, i roto i te 'oro'a no te 'operera'a i te mau Re no te mau Harura'a 'Aito no te Ao nei no te Va'a Maratona.

Ua farii atu te Peretiteni Edouard Fritch e te Fa’aterehau vahine ti’a‘au i te mau Tū’aro, o Nicole Sanquer Fareata, i te avatea mahana ma’a ra, i te Peretitenira’a, i te Tomite Fa’atere o te ‘Āmuitahira’a no te Ao no te Tū’aro Ha’ apiira’a, no te 4 ra’a o te Harura’a Ti’ara’a ‘Aito no te Ao no te Paira’a Popo i ni’a i te One (Beach volley), o te ha’amata a tapati nei i roto i te mau ‘Aua Tiare  no Pa’ofa’i.

Ua tae  atu te Fa’aterehau vahine no te Ha’apiira’a, o Nicole Sanquer-Fareata e te Fa’aterehau vahine no te ‘Ihi mā’imira’a, o Tea Frogier, i te avatea mahana toru ra, i te Fare Ha apiira’ a Tuarua Tuianu Legayic no Papara, i te ‘operera’a i te mau re no te tata’ura’a no te mau TPE  maitata’ i roa a’e a te mau Piahi no te Piha 1 S’Ihi Mā’imira’a no Porinetia farani.

Ua farerei atu te Peretiteni Edouard Fritch e te Fa’aterehau vahine ti’a’au i te Feia ‘Āpi e te mau Tū’aro, o Nicole Sanquer-Fareata, i te mahana toru ra, i te Peretitenira’a, i te Tomite Fa’atupu i te Teahupo’o Tahiti Tata’ura’a, e o Bernadette et Max Wasna no Tahiti iti Surf Club, e o Alex Uranga, Peretiteni no te APB, Ta’atira’a na te Feia Ha’apo’anatino toro’a.

Ua ‘āmui atu te Peretiteni Edouard Fritch, o tei ‘āpe’ehia’tu e te Fa’aterehau no te Ta’ere, o Heremoana Maamaatuaiahutapu, e te Fa’aterehau vahine no te Ha’apiira’a, o Nicole Sanquer-Fareata, i te pō mahana ma’a ra, i To’ata, i roto i te patara’ahia te hoho’a penihia ra a te Pū Disney, « Moana », na roto i te reo Tahiti.

I te po’ipo’i mahana toru ra, ua haere atu te Peretiteni no Porinetia farani, o Edouard Fritch, e te Fa’aterehau vahine no te Ha’apiira’a, o Nicole Sanquer-Fareata, i te aroa poromu Régent Paraita, i Papeete, no te horo’ara’ a i te ha’amatara’a no te mau tapura ‘ōhipa no te Pū Nohora’a Piahi Van Bastolaer, ua ‘āmui ato’a atu te Tavana ‘Ōire no te ‘Ōire no Papeete, o Michel Buillard.