Fa’aterera’ahau no te mau Autahira’a

Ua farii atu te Peretiteni Edouard Fritch, ma te ‘ape’eha’tu e te Fa’aterehau no te mau Autahira’a, o Jacques Raynal, i te avatea mahana toru ra, i te Peretitenira’a, i te ho’e Tomite Tere, arata’ihia mai e te Taote vana’a ra o Pierre Dubus, taote pa’ari roa a’e no te Fare Ha’aiira’a Teitei no te mau Taote no Bordeaux, e o Philippe Vigouroux, Fa’atere Rahi no taua Pu Ha’apiira’a Tuatoru Toro’a taote ra no Bordeaux.

 

Ua ‘ape’ehia mai ratou e te Taote vana’a ra o Philippe MOrlat, Peretiteni no te Tomite Rapa’aura’a MA’i no te Pu Utuutura’a MA’i e o Jean-Pierre Leroy, Fa’atere no te mau ‘Ohipa rapa’aura’a ma’i no te CHU no Bordeaux.

 

Ua nehenehe na roto i taua farereira’a ra, ia hi’o papuhia te parau no te fa’aaura’a e te Fare Ha’apiira’a Tuatoru no Bordeaux, e te mau tuha’a ihoa ra no te ha’apiira’a e no te mau ma’imira’a ‘ihi rapa’aura’a ma’i e ‘ihi no te mau ra’au rapa’au ma’i, te Pu Utuutura’a Ma’i Tuatoru no Bordeaux e te Pu Tuha’a fenua no te ‘Ea no Nouvelle-Aquitaine, i roto i te tuha’a no te ha’apiira’a i te mau piahi porinetia i te toro’a taote rapa’au ma’io.

 

Ua ‘oa’oa mauruuru te Peretiteni  i te huru ravera’a ‘ohipa ‘amui o tei ha’amauhia a rave rahi atua mau matahiti i teie nei e teie mau fa’anahora’a, o tei rave ‘amui noahia mai na, e ia fariihia te reira ma te maita’i no te mau piahi porinetia i tapa’ohia i roto i te ho’e pu farani no te ha’apiira’a e no te ‘ii ma’imira’a no te rapa’aura’a ma’i e no te fare ho’ora’a ra’au rapa’au ma’i.

 

Ua fa’aotihia e ia fa’aroa fa’ahouhia no te roara’a e 6 a’e ‘ava’e te fa’aaura’a no teie mahana, e a tia’i noa’tu ai i te reforomatiora’a e ha’ahia nei no te mau rapa’aura’a ma’i e no te mau ho’ora’a ra’au apaau ma’i i Farani, ua tu’urimahia te ho’e parau fa’aaura’a mana no te fa’a’’apira’a i te fa’a’aura’a  e na pae e piti ato’a ra.

 

E titauhia mai te Faaterehau vahine no te Ha’apiira’a e no te Ha’apiira’a Teitei e no te ma’imira’a e te Fa’aterehau no te mau ‘Ohipa Totiare e no te ‘Ea ia tae atu ia nehenehe te Fare Ha’apiira’a Tuatoru no Bordeaux ia nominohia ei « Fare Ha’apiira’a Tuatoru Ta’amura’a » ia au i te fa’aotira’a mana a te ‘Apo’ora’a a te mau Fa’aterehau no te 12 no ‘eperera 2 017 no ni’a i te fa’atupura’a i te toru no te tuha’a no te mau ha’apiira’a toro’a taote.