Fa’aterera’ahau no te mau Autahira’a

Ua horo’a mai te Fa’aterehau no te mau Autahira’a e no te ‘Ea, o Jacques Raynal, i te avatea monire ra, i tō’na mana’o no ni’a i te fa’aeara’a ‘ohipa a te mau taote rapa’au ma’i no te mau fare utuutura’a ma’i. Ua ha’apapu ta’a-è mai ‘ōia, e ua fa’anahohia na e fa’atupu e rave rahi mau rurura’a  ha’amaramaramara’a o tei tu’uhia’tu na i mua i te Aupupu o te ti’a maira no te mau taote fare ma’i.

 

I muri mai i te tu’ura’ahia te fa’aarara’a no te fa’aeara’a ‘ohipa i te 25 ra no ‘ātopa, ua tupu na hō’ē rurura’a ha’amaramaramara’a, i roto i te Pū Utuutura‘a Ma’i no Porinetia farani, i te 30 no ‘ātopa, i te ‘ōmuara’a no taua avatea ra, tei reira ato’a te Fa’atere Rahi o te CHPF (PUPF), o René Caillet e te Fa’atere Vahine no t e ‘Ea, o Laurence Bonnac-Théron vahine.

 

I muri mai i te reira rurura’a matamua roa, ua ani atu te Fa’aterehau no te ‘Ea i te Fa’atere o te Aupupu, no te hō’ē a farerei fa’ahoura’ a, aore ia i te 1no novema, aore ia i te avate a no te 3 no novema. Hō’ē rurura‘a ‘aitauira’a mana’o, i te avateaa no te 3 no novema, o tei fa’anaho ato’ahia, tera ra, ua titau onoono mai te Aupupu ia tae ato’a atu te Fa’aterehau vahine ti’ā’au i te mau ti’ara’a ‘ohipa a te hau, i te reira ihoa hora, no taua noa a rurura’a, o tei ‘ore i nehenehe e fa’atupuhia.

Ua fa’anaho fa’ahouhia te tahi è atu a rurura’a no te 3 no novema, i te avatea, tera ra, ‘āita te reira i tupu, no te mea, ‘āita te Fa’aterehau no te ‘Ea i matara mai, tei roto ‘ōia i te ‘Āpo’ora’a ta’a-è a te mau Fa’aterehau. Tera ra, te vai matara noa nei te Fa’aterehau no te ‘Ea no te tau’aparau e te Aupupu a te mau Taote Rapa’au Ma’i Fare Ma’i.