Fa’aterera’ahau no te mau Faufa’a Tumu

Fa’aterehau no te Fa’ahotura’a i te mau Faufa’a Tumu, no te mau ‘Ōhipa Fenua e no te Ha’afaufa’ara’a i te mau Fenua o te Hau (MPF).

Hō’ē Tere Tomite no te ’Āpo’ora’ahau arata’ihia’tu e te Peretiteni Edouard Fritch, ma te ’āmuihia’tu e te mau Fa’aterehau no te Fa’ahotu i te mau Punavai Tumu, o Tearii Alpha e no te Patura’a Rarahi, o Luc Faatau, e tae noa’tu i te Tepute vahine Maina Sage, o tei rave mai iho nei i te hō’ē tere ’ohipa i roto e 4 mau motu no te ta’amotu no Tuamotu, i Raroia, Takume, Taenga e Makemo.

Ua farerei atu te Peretiteni Edouard Fritch, e te Fa’aterehau no te Fa’ahotu i te mau Punavai tumu, o Tearii Alpha, tei reira ato’a te mau Ti’a no te Fa’aterera’a o te Fa’a’apura’a (FAF=DAG) e no te Piha Rautea e no te Tautai Tairoto (PRTT=CAPL), i te ahiahi mahana piti ra, i te Peretitenira’a, i te ‘Āmuitahira’a no te feia fa’a’apu, no ni’a i te tape’ara’ahia te tapiho’ora’a, no e rave rahi no ta rātou mau hotu e te taiete SAGES a te pupu Wan.

Ua farerei atu te Peretiteni Edouard Fritch, e te Fa’aterehau no te Fa’ahotu i te mau Punavai faufa’a tumu, o Tearii Alpha, i te mahana piti ra, i te Peretitenira’a, i te feia toro’a fa’a’amu moa ‘ōfa’a.

Ua ‘ōpere atu te Peretiteni Edouard Fritch e te Fa’aterehau no te Fa’ahotura’a i te mau Punavai Tumu, o Tearii Alpha, i te mahana maha iho nei, i roto i te ‘ōro’a no te ‘iritira’a i te 32 ra’a no te Ta’uruanui no te Fa’a’apu, i ni’a i te tahua no Vaitupa i Fa’a’a, i te mau Rē no te Tata’ura’a Matamua no te Mau rave’a ‘āpi  no te rapa’aura’a ma’a-pū ‘ohipa hamanira’a.

Ua ‘avari hanahana te Peretiteni  Edouard Fritch, ma te ‘āpe’ehia e te mau Mero no tā’na ‘Āpo’ora’ahau, mai te Fa’aterehau ihoa no te Fa’ahotu i te mau Punavai Tumu, o Tearii Alpha, te Tomitera Teitei, o René Bidal,  te Tavana ‘Ōire no Fa’a’a, o Oscar Temaru, e te Tavana ‘Ōire no Papeete, o Michel Buillard, i te mahana maha iho nei i te32 ra’a no te fa’anahora’a no te Ta’uruanui no te Fa’a’apu, o te tupu mai te 28 no tetepa e tae atu i te 8 no ‘ātopa, i ni’a i te tahua no Vaitupa, i Fa’a’a.

Ua farii te Peretiteni Edouard Fritch e te Fa’aterehau no te mau ‘Ohipa Fenua, o Tearii Alpha, i te avatea mahana pae ra, i te Peretitenira’a, i e to’o’āhuru mau tino matamua roa o tei fana’o i te tauturu moni no te ‘aufau i te mau ha’amau’ara’a no te matarara’a ratou i rapae’au i te oti ‘orera’a to ratou fenua i te tapupuhia.