Fa’aterera’ahau no te mau Faufa’a Tumu

Ma te ‘ape’ehia’tu e te Fa’aterehau no te Fa’ahotura’a i te mau Punavai faufa’a tumu, o Te arii Alpha, e te Fa’aterehau vahine no te ‘Ohipa, o Tea Frogier, ua ‘iriti hanahana te Peretiteni Edouard Fritch, i te po’ipo’i mahana maha ra, i te fa’anahora’a fa’aite’itera’a Tiare 2 017.

 

Fa’atupuhia i roto i te ‘Aua Fa’a ‘ite’itera’a no Mama’o, e ha’aputuputu taua fa’anahora’a ra i roto 10 mahana piri i te 150 rahira’a ta’ata tanu tiare , o te fa’a’itera’a i te hotura’a no te reira tuha’a i Porinetia nei.

 

Ua hina’aro papu e Peretiteni e te Fa’aterehau no te mau Punavai Tumu e ha’apoupou maita’i i te ‘ohipa a te ‘Amuitahira’a Hei Tini Rau e a te Piha Rautea o tei nehenehe e fa’ata’iruru mai e rave rahi feia fa’a’ apu ‘aravihi i roto i taua fa’anahora’a ra.

 

Ua ha’apapu te Haufenua e paturu papu atu ‘oia i te mau tauto’ra’ aa te feia fa’a ‘apu tiare, no te ‘amui i te mau ti’a toro’a no te reira i roto i te mau ‘amuitahira’a ho’oho’o e te tauturu ato’ara’ a i te feia fa’a’apu tiare no te ha’amaita’i i ta ratou mau hotu.

 

E ta’amura’ a ato’a to te reira i ni’a i te fariira’a ratere, e te fa’ ahotura’ a i te Fenua nei no te fa’arahi fa’ahou atu a i te mau haponora’ a tiare, a nehenehe atu ai e fa’atupu papu mai i te ti’ara’a ‘ohipa.