Mono-Peretītenira’a

I roto i tā’na fa’anahora’a tuatapapara’a o tei ha’apurorohia i te mahana maha ra 2 no ‘ātete, ua fa’ahiti o Porinetia Tahi ma te mana’ona’o, i te ha’amaura’a i te mau tute ‘āpi o te pupuhi ti’a atu ra i te mau pupu ‘ori tumu.

 

Ua hina’aro te Fa’aterera’a Fenua e tuoro puai no te ha’apapu e ‘āita iti noa a’e te Haufenua i feruri na e ha’amau i te mau tute ‘āpi na te mau pupu ‘ori, e ‘āita ato’a na te mau rahua no te ta’ere o to tatou nei Fenua.

 

Ua hina’aro ato’a e fa’a’ite i tō’na maere hitimahta e te maramarama ‘ore i te ha’apurorora’ahia te reira parau o tā’na e ha’apapu maita’i atu nei, e parau ha’avare te reira. ‘Āita hō’ē iti noa a’e taime i tu’uhia te reira parau i roto i te Āpo’ora’ahau e ‘āita roa ato’a i roto i te ‘Āpo’ora’arahi no Porinetia farani.

 

E uiui ato’a te mana’o i ni’a i te rotora’a no taua fa’anahora’a ra. E maramaramahia’tu e te hō’ē no te mau fa’atere no taua pupu ra, te ‘aufau ra ia i tā’na mau tute ia a i te fa’aturera’a e vai nei, mai te ha’amaura’ahia mai te tute i Porinetia farani nei, e te piti, e au ra, te ‘ite ra ia, e te ‘aufaura’a i te tute e riro mai ia ei mea fa’ahepohia, mai te mea, e na ni’a mai i te tahi mau faito.

 

Noa’ tu a te reira, e tu’u atu te ‘ Āpo’ora’ahau i mua nei, i te tahi fa’anahora’a fa’aturera’a no te ha’afaufa’a e no te fa’aherehere i te mau rahua e te mau fa’anahora’a ta’ere.  E ha’apapu mai ‘ōia i te mau titaua’a e roa’a ai mai roto atu i te Haufenua te tumu e fariihia a ia ha’amama i te fa’atuutera’a.

 

E mea faufa’a rahi ta tātou mau peu tumu e ta tātou ta’e re porinetia no te vaiiho oraora noara’a i to tātou iho hiro’a porinetia. O te hō’ē te reira n te niu no te fa’ahotura’a e ti’a i te vaira o ta te ‘Āpo’ora’ahau o to tātou Fenua, e hina’aro noa nei e paturu e e fa’ahotu.