Peretītenira’a

Na roto i te fa'ahanahanara'a o te 'Oro'a o te 'Otonomi, i teie iho nei mahana maha 29 no tiunu, i te aroa poromu Pouvana'a a 'O'opa, i Papeete, e pae mau ti'amana o tei fa'ahanahanahia i te Ti'ara'a Mana Teitei no te Feti'a Tahiti Nui.

 

Te Fa'atere vahine no te CJA (Pu no te Feia 'Api Taure'a), o Sylvie Doucet, o tei na muahia i te fa'ahanahana ei Ti'a Mana Teitei no te Feti'a no Tahiti Nui e te Peretiteni Edouard Fritch.

 

I muri mai, te ta'ata himene ra, o André Heuea, piihia Maicka, o ei fa'ahanahana ato'ahia'tu i ni'a i te reira ti'ara'a.

 

Te toru o te ti'amana i ha'afeti'ahia, no roto mai ia i te tuha'a no te Ha'apiira'a. I muri a'e i teho'e pu'etau roa i roto i te Ha'apiira'a, ua fa'ahanahana ato'ahia o Patrick Klosowski i te Ti'ara'a Mana no te Feti'a no Tahiti Nui.

 

Ua ha'afeti'a ato'a te Peretiteni Fritch i te Fa'atere no te Parurura'a Tivira, te Toronera Frédéric Tournay, i te Ti'ara'a Mana no te Feti'a no Tahiti Nui.

 

E te hope'a roa, te Toronera Philippe Payre, Ra'atira no te pupu RSMA (Pupu Fa'ehau Fa'atanohia), o tei farii ato'a i te fa'ahanahanara'a no te Ti'ara'a Mana no te Feti'a no Tahiti Nui, na roto i te rima o te Peretiteni Edouard Fritch.