Peretītenira’a

Ua tae atu te Peretiteni no Porinetia farani, o Edouard Fritch, i New York, i te ‘ā’ahiata monire ra.

 

I te po’ipo’i monire noara’a ra ihoa, ua rave ‘ōia i tō’na mau farereira’a mana faufa’a rahi matamua roa no  ni’a i te parau no Porinetia farani. No reira, ua nehenehe tā’na e ‘aparau atu e te mau Ti’a fa’atere no te ONU (Hau ‘Āmui), o tei ‘ī i te ‘aravihi no te mau parau tumu no te fa’a’orera’a i te parau no te Hau Tamaru e tae noa ato’a atu e vetahi mau Ti’a mana teitei no te mau Fenua e mau Ti’a tamau to rātou i piha’iiho i te ONU, mai te mau Ti’a no Farani e no Fidji. Ua riro te reira no te Peretiteni Fritch ei mahana farereira’a matamua o  tei ‘ī i te faufa’a rahi no te mau ha’amaramaramara’a.

 

E ‘orero atu te Peretiteni i tō’na mau mana’o i roto i te ONU, i teie mahana piti 3 no ‘atopa, i te hora 3 i te ahiahi, i New York.