Peretītenira’a

Ua fariihia’tu te Tavana ‘Ōire no Fakarava, o Tuhoe Tekurio, o tei ‘āpe’ehia mai e te mau Tavana ‘Ōire mono no Niau, Aratika e Kauehi, i te mahana pae ra, e te Peretiteni Edouard Fritch.

 

Ua hina’aro te mau Ti’a Mana Ma’itihia no te reira ‘Ōire no Tuamotu To ‘O’a o te Rā, e hi’o i te ti’ara‘a e te Peretiteni, e ta rātou mau piha toro’a, no ni’a i te mau ‘ōpuara’a rau a te Haufenua e i ni’a ihoa ra i te mau ‘ōpuara’a o tei vauvauhia mai e te ‘Ōire no te mau motu tata’itahi no taua ‘Ōire ra no Fakarava.

E mau ‘ōpuara’a ihoa ra no ni’a i te tara’a i te mau poromu, te hutira’a i te uira, te hamanira’a i te roto ta’amura’a poti e te paruru ha’apa’arira’a i te hiti tahatai. E ha’amatahia te tahi no taua mau ‘ōpuara’a ra i fa’ahitihia mai teie nei e tae atu i te hope’a no teie matahiti.