Peretītenira’a

Ua farii atu te Peretiteni no Porinetia farani, o Edouard Fritch, i te mahana pae ra, i te Peretitenira’a, i te Tonotura ‘āpi no te Repupirita Huira’atira no Taina i Pape’ete, o Zhen Zhiliang.

 

Ua ‘ite a’e na te Tonotura ia Porinetia farani, i te mea, ua parahi mai na ‘ōia i te matahiti 2 009 ra e te hō’ē Tomite tono no te rahira’a e 97 rahira’a mero o tei ‘āpe’e mai na i te Peretiteni no te ‘Āpo’ora’a ‘Iriti Ture Porotita no te Nūna’a Taina, o Jia Qinglin. Ua parau mai ‘ōia iho e ua fa’ahiahia a’e nahia ‘ōia i te huru no te fariira’a a te huira’atira e te  ‘una‘una no te mau tuha’a fenua.

 

I muri mai, ua fa’ahiti mai ‘ōia i te mau huru no te autaipera’a i rotopu ia Taina e o Porinetia farani. Hou a’e ‘ōia a nominohia mai ai i Porinetia farani nei, ua riro na ‘ōia ei Tonotura i te Fenua Marite Apato’a,  i Bolivia, mai te 2 010 e tae mai i te 2 012, i muri mai ua nominohia’tu na ‘ōia ei Fa’atere Rahi no te Tuha’a Fenua no Marite Ratino e no Taraipe mā, i roto i te Fa’aterera’ahau no te mau ‘Ohipa na te Ara o te Repupirita Huira’atira no Taina.