Peretītenira’a

Ua haere atu te Peretiteni Edouard Fritch, i te ahiahi mahana maha iho nei, i te ‘amu’amura’a i fa’atupuhia no te ha’amatara’a  te Tonotura ’āpi  no te Repupirita  Huira’atira no Taina, o Zhilang  Shen, i roto i te pū a te ta’atira’a tinito i Papeete .

 

Ua tae ato’a atu i taua ‘oro’a ra te Tomitera Teitei, o René Bidal, te Fa’aterehau no te Patura’a, o Luc Faatau e te Tavana ‘Ōire no Papeete, o Michel Buillard.

 

Ua fa’aha’amana’o mai te Tonotura no Taina e ua haere a’e na mai na ‘ōia i Porinetia farani nei, a 8 matahiti i teie nei. Ua ha’apapu mai ‘ōia e « te mau ‘āua natura ‘una’una e te nehenehe  e tae noa’tu i te huru fariira’a a te huira’atira » ua vaiiho noa mai te reira « i te hō’ē tapa’o mehara i roto i tō’na hohonura’a o tei ‘ore roa e mo’ehia ia’na ». Ua pehepehe ato’a mai ‘ōia i te faufa’a rahi no te mau aura’a papu i rotopu ia Taina e o Porinetia farani, e ua ha’apoupou maita’i mai ‘ōia i te tapura ‘ohipa i ha’ahia mai e te Peretiteni Edouard Fritch no te fa’ahotu i te fa’arava’ira’a faufa’a a Porinetia.

 

I tō’na pae, ua ha’apoupou maita’i atu te Peretiteni FRitch i te huru fa’ahiahia e te maita’i no te mau aura’a i rotopu ia Porinetia farani e o Taina, i te pae anei no te fa’arava’ira’a faufa’a e i te pae anei no te ta’ere.