Peretītenira’a

Ua tere atu hō’ē tomite no te ‘Āpo’ora’ahau arata’ihia e te Peretiteni Fritch, i te po’ipo’i mahana pae ra, i Mahina, no te farerei atu i te Tavana ‘Ōire, Damas Teuira e tā ’na ‘Āpo’ora’a ‘Ōire.

 

No te reira tapura ‘ohipa, ua matara ato’a mai te parau no te tahua ‘ohipara’a no te ‘Ōutu no Tefauroa (‘Ōutu Vénus), ‘inaha, te tahua ‘ohipara’a no te fa’a’api  e no te fa’anehenehe i reira, ua fatata roa i te oti mai.

 

I muri a’e i te hō’ē ‘Āpo’ora’a i te Fare hau, ua tere ‘āmui atu te mau Fa’atere no te ‘Āpo’ora’ahau e no te ‘Āpo’ora’a ‘Ōire i te ‘Ōutu no Tefauroa (Vénus), no te fa’aitoito i te feia fa’atere i te mau tapura ‘ohipa, ia oti mai ihoa te reira i roto noa i teie nei mau area mahana.