Peretītenira’a

Ua fariihia’tu na te ta’atira’a no te mau matapo e matamohimohi no Porinetia, Mata Hotu, peretitenihia e Diégo Tetihia, i te mahana piti ra, e te  Peretiteni Edouard Fritch.

 

Ua ani mai te  reira ta’atira’a i te tauturu a te Haufenua, ia nehenehe i te hō’ē no to’na mau mero, o Rodrigue Tehei Teriitevaiarai, e fa’ao i roto i te harura’a ti’ara’a ‘aito no Farani no te  tu’aro a te huma no te ta’ahira’a pere’o’o i te ‘ava’e tiunu i mua nei.

 

Te fa’aineine noa nei o Rodrigue Tehei Teriitevaiarai ia’na ma te pautuutu e te taiete no Punaruu hau i te ho’e matahiti i teie nei. Ua ha’afaufa’a atu te Peretiteni Edouard Fritch i te reira mana’o itoito no te tu’aro. Na roto i te mau fa’anahora’a i ravehia no te fa’aitoito i te fa’aora’a totiare o te mau huma i roto i te tu’aro, no reira, ua horo’a atu te  Peretiteni Fritch i ta’na parau fa’ati’a no te tauturu ia Rodrigue Tehei Teriitevaiarai, ia nehenehe ‘oia ia tae atu i roto i te tata’ura’a harura’a ti’ara’a ‘aito no Farani no te ta’ahira’a pere’o’o a te huma. Otu