Peretītenira’a

Ua ‘ōrero atu te Peretiteni no Porinetia farani, o Edouard Fritch, i te avatea mahana toru ra, i te Peretitenira’a, hō’ē ‘orerora’a i mua i te mau ta’ata o tei ‘amui mai i roto i te fa’aineinera’a no te parau tumu no te Fa’a’apira’a a te hau a te Fareha’apiira’a Haunui no te Fa’aterera’a (FHF=ENA).

 

Te reira fa’aineinera’a o tei ha’aputuputu maui i te faito ho’e hanere rahira’a ti’a fa’atere teitei no te fa’aterera’a ‘ohipa a te Haunui, a te Haufenua e a te mau ‘Oire, ua niuhia ia i ni’a i teie parau tumu « Te Ta’ara’a e te Fa’a’ohipara’ a i te fa’a’apira’ a i roto i te terera’ a ‘ohipa a te Hau ». « O teie ato’a te taime matamua roa to te mau Tino fa’aineine faito ‘ite teitei no roto mai i te Fareha’apiira’a Haunui no te Fa’aterera’a, fa’ahiahia mau, e haere roa mai ai i Porinetia farani nei no te ‘opere ito ratou mau « ite ‘aravihi », o ta te Peretiteni ia i fa’ateniteni mai.

 

Ua ha’apapu mai o Edouard Fritch i te parau e mea faufa’a rahi te reira fa’aineinera’a ia nehenehe i te fa’aterera’a ‘ohipa a te Hau ia vai noa i ni’a i to’na ti’ara’a maita’i i roto i te horora’a o te fa’arava’ira’a faufa’a no teie nei Ao, no te mau ‘aravihira’ a hau atu i te maita’i o te feia fa’ atere i mua i te fa’a’apira’a tamau no teie Ao o teie mahana, tera ra, ia roa’a ihoa te rave’a i te fa’aterera’a ‘ohipa  a te Hau no te pahono maita’ ira’a’tu i te mau hia’aira’a o te nuna ‘a huira’atira, e i te mau rave ‘ohia no na pu fa’aterera’a ‘ ohipa e toru a te Hau. E hotu te reira fa’aineinera’ a no te ho’e tareni no te autaipera’a e no te rave ‘amuira’a i te ‘ohipa i rotopu i te Pu no te Ti’a’aura’ a e te Fa’aineinera’ a a te mau ‘Oire, te Poro no te Fa’a’apira’a i te tau a te Haunui a te Tomiterara’a Teitei, te Papa’iparau Rahi o te ‘Apo’ora ‘ahau e te Fa’aterera’a no te Fa’a’apira’a e no te mau Reforomatuora’a i te Fa’aterera’ahau (FFRF=DMRA).

 

Ua fa’aha’amana’o te Peretiteni ua rave mai ‘oia i te fa’aotira’a no te tura’i i te fa’ aterera’ a ‘ohipa a te Hau ia hau au a i te maita’ira’ a no te tavini i te huira’atira e te i te fa’ahiahiara’ a hau roa’tu i te maita’i, e te mea fa’ ahiahia roa a’e, i roto i te mau vahi ato’a n Porinetia farani. Te reira tareni rahi e no te pu’etau e ti’ a i te vaira’ a, i roto i te fa’aterera’a ‘ohipa  a te Hau, ua pupuhia’tu te reira i roto i te FFRF (DMRA). No te reira, ua ha’apoupou maita’i atu ‘oia i te ‘ohipa o tei ravehia mai e te reira piha ‘ohipa.

 

Na roto i te reira na mahana ‘ohipara’ a e ’aitauira’a e toru, ua nehenehe i te feia o tei ’amui atu i roto i te reira fa’aineinera’a e ha’amaita’i fa’ahou atu a i to ratou ’aravihi, ia ’ite atu e ia roa’a mai te mau mauha’a no te fa’a’apira’a, te mau ’ihi rave’a ’ohipa ’api no te rautira’ a e no te fa’aiho e no te fa’a’ohipa i te mau mana’o ’api. « Ta ‘outou tarenii teie nei, o te fa’ atupura’ a mai ia i te tahi ‘ohipa hau atu i tehotu na ta ‘outou mau taiete, ta ‘outou mau rave ohipa e no te Piha toro’a a te Hau o ta ‘outou e fa’atere ra », o ta te Peretiteni ia i pu’ohu mai.