Peretītenira’a

Ua fariihia’tu te Tenerera Thierry de Ladoucette, Tomana fa’atere i te SMA (Tareni Fa’ehau Fa’aautanohia), i te po’ipo’i mahana piti ra, e te Peretiteni Edouard Fritch.

 

Tei reira ato’a te rieutenan-toronera o Sandrine Attia,  te upo’o arata’ i o te RSMA (Fa’anahora’a no te Tareni a te Fa’ehau Fa’aautanohia)  i Porinetia farani nei, e te Fa’aterehau vahine ti’a’au i te ha’apiipiira’a toro’a, o Tea Frogier.

 

Ua ha’amata mai ‘ōia i te rave i tō’na mau toro’a i te ‘ātete ra 2017, ua ‘ ite mau te Tenerera i te mau tahua a te RSMA i te Ara-Moana e no reira e  tere atu ‘ōia e hi’opo’ a i te mau motu Tuha’apae mā, e ia Hiva ‘Oa, i Matuita mā .  Te feruri nei te SMA no te fa’atano i te  mau rave’a e au no te Ara-Moana. I teie mahana, te fāa tera e 6 000 rahira’a feia ‘āpi no te mau Fenua no te Ara-Moana, i roto i te reira, e 640 o tei roaahia no Porinetia ana’e.

 

No te mau matahti i mua nei, ua fa’ahiti mai te Tenerera e nehenehe e tura’ ihia’tu te faito matahiti no te  tihepura’a mai i te SMA i  ‘o atu i te 26 matahiti e e ha’apuai fa’ahoura’a’ tu a i te mape’era’a ha’apiira’a e totiare i te feia ‘āpi i tihepuhia mai. Hau atu i te reira, ua ha’apapu mai ‘ōia, e mea iti roa te faito rahira’a o te mau tamahine i roto i te SMA i Porinetia farani nei, te hō’ērātio no e 2 tamahine tihepuhia mai no te rahira’a e 8 tamaroa.