Peretītenira’a

Ua ti’a atu te Peretiteni no Porinetia farani, o Edouard Fritch, i piha’iiho i te Tomitera Teitei no te Repupirita, o René Bidal, i te po’ipo’i mahana maha ra, i te Monuma no te feia pohepohe, i Papeete, no te fa’ahanahana i te tore piti toronera no te  ‘Aua Muto’i farani, o Arnaud Beltrame, o tei pohe i roto i ta’na tavinira’a na roto  te hō’ē ‘ohipa hanahana rahi, e i te feia i hamani ‘inohia no te mau fa’aura’a no Carcassonne e no Trèbes, i Farani.

 

Ua tupu maita’i te reira ‘ōro’a i mua ato’a i te mau tepute Nicole Sanquer e o Moetai Brotherson, i te mau mero no te ‘Āpo’ora ‘ahau, i te Peretiteni no te  ‘Āpo’ora’arahi,  o Marcel Tuihani, e i te Tavana ‘Ōire no Papeete, o Michel Buillard.

 

Ua pohe atu na o Arnaud Beltrame na roto i tō’na hina ‘arora’ a na e mono i te ti’ara’a o te ho’e ta’ata o tei haruhia’tu na, i te mahana pae  i ma’iri a’e nei, i Trèbes. Ua tahopu te mau Ti’a Mana no te Haunui e no te Haufenua i te mana’o ‘aito papu o te tore piti torenera o tei arata’i ia’na i roto i te pupu tutiaroara’a ‘tu ia’na, hou a’e a ‘opani atu ai  te reira ‘oro’a, na roto i te tu’ura ‘a i te hō’ē pupa tiare i mua mai i te ‘ōfa’i ha’amana’ora’a.