Peretītenira’a

Peretiteni , Ti’ā’au i te Ti’ara’a ‘Ōhipa, i te mau ‘Ōire e te mau Farerata e te mau Taniuniura’a (PR).

I te mahana toru ra, ua tu’urima te Peretiteni Edouard Fritch, te Fa’aterehau no te Fa’ahotura’a i te mau Punavai Tumu, o Tearii Alpha, te Fa’atere Rahi no te Faremoni Socredo, o Matahi Brothers, e te Fa’atere Vahine no te Pū a te Hau no te Vanira no Tahiti, o Carine Yip-Vairaaroa, i te hō’ē fa’aaura’a no te autaipera’a no te fa’ahotura’a i te Vanira no Tahiti i Porinetia farani nei.

Ua fa’a’ite te Peretiteni Edouard Fritch i to’na mana’o no ni’a i te reforomatiora’a i te mau moni fa’atuha’a, i muri a’e i to’ na farereira’ a atu na i te ‘amuira’a o te  mau aupupu, i te mahana pae ra, i te Peretitenira’a.

Ua haere atu te Peretiteni no Porinetia farani, o Edouard Fritch, i te avatea mahana pae ra, i Mo’orea, no te fa’atere i te tu’ura’a i te ‘ Ōfa’i Tihi matamua roa no te mau tapura ‘ohipa no te hō’ē pupa reni ‘auri pape i ni’a i te fenua o te Hau i ‘Opunohu, ma te ‘āpe’ehia’tu e te Fa’aterehau no te Fa’ahotura’a i te mau Punavai Tumu, o Tearii Alpha.

Ua farii atu te Peretiteni Edouard Fritch, ma te ‘āpe’ehia’tu e te Fa’aterehau vahine no te ‘Ohipa e no te Ha’apiipiira’a Toro’a, ti’ā’au i te ti’ara’a ‘ohipa a te Hau e no te ‘Ihi mā’imira’a, o Tea Frogier, i te mahana pae ra, i roto i te hō’ētau’aparaura’a e o Bruce Rata Shepherd, te Tonotura Rahi ‘Āpi no Niu-Terani, o te parahi ra i Nouméa, i Niu-Taratoni.

Ua hina’aro te Peretiteni Edouard Fritch e ha’apoupou ia David Moux e tā’na Tamaiti o Rony no te Titi’ara’a Ruma Moux, no te harura’a mai i te Feti’a Moni no te tuha’a « Punchs au Rhum/ Punch Schrubb » i roto i te tata’ura’a rahi no te fa’a’apu i Paris- Matahiti 2 018, no ta’na hotu Tamure « Dream » (Moemoea) : ‘ava ‘anani no Tamanu 45 °.

I teie taime, tei  Porinetia nei no te Rurura’a Rahi matahiti a te ‘Etāretia Porotetani Mā’ohi, te mau Ti’a no te Pū o te Tomite no te Mitioni no te Ao o te mau ‘Etāretia Teretetiani, o tei matau noahia i te pii e, « Council For World Mission (CWM) » (Tomite no te Mitioni o te Ao nei=TMA), o tei fariihia’tu, i te mahana toru iho nei, e te Peretiteni Edouard Fritch e ta’na mau Mero no te ‘Āpo’ora’ahau.