Peretītenira’a

Peretiteni , Ti’ā’au i te Ti’ara’a ‘Ōhipa, i te mau ‘Ōire e te mau Farerata e te mau Taniuniura’a (PR).

Ua fariihia mai te Peretiteni Edouard Fritch, i te mahana piti ra i Paris, i roto i te hō’ē tau’aparaura’a e te Fa’aterehaunui  Vahine no te mau Ara-Moana, o Annick Girardin. I muri mai, ua tupu te hō’ē putuputura’a ‘ohipa i roto i te Fa’aterehaunui Vahine e tā’na Piha ‘ohipa, i te tahi pae, e te Peretiteni Edouard Fritch, e te Mono-Peretiteni  Teva Rohfritsch, te To’ofa Nuihau Laurey e te Tepute vahine Nicole Sanquer, i te tahi atu pae.

Ua farerei atu te Peretiteni Edouard Fritch i te Fa’aterehaunui vahine no te mau Autahira’a e no te ‘Ea, o Agnès Buzyn, i te tahara’a no te avatea monire ra, i Paris. Ua ‘āpe’ehia’tu ‘ōia e te Mono-Peretiteni, Teva Rohfritsch, te To’ofa Nuihau  Laurey, te Tepute vahine Nicole Sanquer, te Fa’atere no te ‘Āfata Turu Uta’a (CPS), o Yvonnick Raffin e o Luc Tapeta, Fa’aa’o ‘Ihi rave’a no te Fa’aterehau no te mau Autahira’a, o Jacques Raynal.

Ua haere roa’tu te feia rave ‘ohipa no te mau Piha toro’a a te Haufenua no Taiohae, no te motu no Nuku Hiva i Matuita ma, i te mahana maha ra, i roto i na ‘āfa’a hohonu roa a’e no Taiohae, o ‘A’akapa e o Hatiheu.

Ua farerei atu te Peretiteni Edouard Fritch e te Tepute Nicole Sanquer, i te monire ra, i te Peretiteni no te ‘Āufaura’a i te Feia o tei Ro’ohia  i te ‘Ati na roto i te Ta’ero o te mau Tamatamatara’a ‘Ātomi (CIVEN), o Alain Christnacht, i te Pū no Porinetia farani i Paris.

Ua tae tino atu te Peretiteni  Edouard Fritch, i te mahana pae ra, i te Tiripuna no Pape’ete, no te ‘Ōro’a hanahana no te ha’amau manara’a ia Thomas Pison.

Ua fariihia’tu te Peretiteni ‘api o te Mitioni no Papeete no te ‘Ētaretia a Iesu Mesia i te Feia Mo’a i te mau Mahana Hope’a nei, o Steven FGox e tā’na vahine fa’aipoipo o tei ‘āpe’ehia mai e Bianca Hoffman, i  te mahana pae ra e te Peretiteni Edouard Fritch.