Peretītenira’a

Peretiteni , Ti’ā’au i te Ti’ara’a ‘Ōhipa, i te mau ‘Ōire e te mau Farerata e te mau Taniuniura’a (PR).

Ua ‘āpe’e atu te Peretiteni no Porinetia farani, o Edouard Fritch, e hō’ē paerahi no tā’na‘Āpo’ora’ahau i te Fa’aterehaunui vahine no te mau Aramoana, o Ericka Bareigts, i roto i tō’na tere, i te mahana piti ra, i ni’a i te motu aruaru no Ahe, i roto i te ta’amotu no Tuamotu ma.

Ma te tu’uhia i raro a’e i te patoronora’a teitei a te Peretiteni no Porinetia farani, o Edouard Fritch, ua fa’ahaere noa atu a te tomite no te tai’ora’a i te mau ‘ati e no te tuhara’a i te mau tauturu ru roa a’e i tā’na mau tapura ‘ohipa, i te avatea mahana piti ra, i raro a’e i te Peretitenira’a a Teva Rohfritsch.

Ma te ‘āpe’ehia’tu e na To’ofa o Lana Tetuanui e o Nuihau LAurey, ua farerei atu te Peretiteni Edouard Fritch, i te po’ipo’i mahana pae ra ia François Fillon, ti’a no te mau Repupirita i roto i te mā’itira’a i mua nei no te Peretiteni no te Repupirita Farani.

Ua fariihia mai te Peretiteni Edouard Fritch, o tei ‘āpe’ehia atu e te To’ofa vahine, Lana Tetuanui e te Tepute vahine Maina Sage, i te mahana pae ra, e te Ha’apa’o i te mau ‘Auri o te Ture, Fa’aterehaunui no te Ture, o Jean-Jacques Urvoas.

Ma te ’āpe’ehia’tu e te Fa’aterehau no te mau Ito e no te mau Faufa’a no roto i te Fenua e To’ofa ato’a ho’i, o Nuihau Laurey, e na Lana Tetuanui, To’ofa vahine, ua fa’aoti mana te Peretiteni no Porinetia farani, o Edouard Fritch, i te mahana pae ra, e te mau ti’a no te Pu Farani no te Fenua, totaiete fenua e no te fa’aterera’a no te Pū Farani no te Fenua, i te fa’aora’a o te fenua nei i roto i te Pupu Pū Farani no te Fenua.

Ua ‘amui atu te Peretiteni Edouard Fritch, ma te ‘ape’ehia’ tu e te tepute vahine, o Maina Sage, i te mahana maha ra, i roto i te putuputura’a i te Aora’i Elysée, e o Marc Vizy, e o Frédéric Potier e o Jean-Robert Jouanny, ti’a’au i te mau pu’eparau no te Aramoana i te Peretitenira’a no te Repupirita, i Matignon e i te Fa’aterera’ahaunui no te mau Aramoana.