Peretītenira’a

Peretiteni , Ti’ā’au i te Ti’ara’a ‘Ōhipa, i te mau ‘Ōire e te mau Farerata e te mau Taniuniura’a (PR).

Ua ‘āmui atu te Peretiteni Edouard Fritch, i te po’ipo’i tapati ra, i roto i te Mahana Ta’ere i te Hiero Kanti, i Mama’o, i roto i te fa’anahora’a no te mau fa‘ahanahanara’a i te Matahiti ‘āpi tinito, tei reira ato’a te Tavana ‘Ōire no Papeete, o Michel Buillard, te Papa’iparau Rahi o te Tomitera Teitei no te Repupirita, o Marc Tschiggfrey, e te Mono-Tonotura no te Repupirita Huira’atira no Taina, o Huali Wu.

Ua ‘āmui atu te Peretiteni Edouard Fritch, e e rave rahi mau mero no tā’na ‘Āpo’oraahau, i te mahana ma’a ra, i te tahara’a mahana, i te tahua Pater, i Pira’e, no te haru mai i te ti’ara’a no te Ao nei no te faito rahi roa a’e te ta’ata fa’ata’i ukelele.

I muri a’e i te farereira’a’tu na i te huira’atira no Rikitea, ua tere atu te Tomite ’Āpo’ora’ahau arata’ihia e te Peretiteni Edouard Fritch, i te mahana maha ra, i te motu aruaru e parahihia ra e 350 rahira’a huiraatira no Tureia, i roto i te Ta’amotu no te mau Motu no Tuamotu Ma’areva.

Ua fa ‘aru’e atu te Tomite ‘Āpo’ora’ ahau arata’ihia e te Peretiteni Edouard Fritch, i te mahana toru ra i te po’ipo’i, i te motu no Hao, i roto i te Ta’amotu no Tuamotu ma, no te tereti’atu i Rikitea, i Ma’areva mā. I reira, te tia’i noa maira te Tavana ‘Ōire no te ‘Ōire no Rikitea, o Vai Gooding, e tā’na Mono-Tavana ‘Ōire Vahine Matamua, i te Peretiteni Fritch e i tā’na mau Fa’aterehau i te taura’a manureva no Totégegie.

Hou a’e rātou a mā’ue atu ai na ni’a i te manureva i Hao, ua rave te Peretiteni Edouard Fritch e te Fa’aterehau no te Nohora’a o Jean-Christophe Bouissou, i te po’ipo’i mahana piti ra, i te hō’ēhoro’ara’a taviri fare OPH (PūPorinetia no te Nohora’a) no te hō’ē‘utuafare fetii e no te noho ti’apitira’a.

Tae atu i te po’ipo’i monire ra i te hora 8 e te ’āfa i Katiu, ua fariihia mai te Tomite tere o te ’Āpo’ora’ahau arata’ihia e te Peretiteni Edouard Fritch, ’āpe’ehia e te mau Fa’aterehau Jean-Christophe Bouissou, Tearii Alpha, Luc Faatau e Heremoana Maamaatuaiahutapu, i te taura’a manureva e te Tavana ’Ōire no te ’Ōire, o Félix Tokoragi, e tae noa’tu i te ’Āpo’ora’a ’Ōire no te ’Ōire Tapiri no Katiu e tō’na Tavana ’Ōire mono o Kirianu Ani.