Peretītenira’a

Peretiteni , Ti’ā’au i te Ti’ara’a ‘Ōhipa, i te mau ‘Ōire e te mau Farerata e te mau Taniuniura’a (PR).

I te po’ipo’i mahana toru ra, ua farii atu te Peretiteni Edouard Fritch, i te Peretiteni no te ‘Āmuitahira’a nui a te mau Ta’atira’a ‘Utuafare Tatorita (ANTUT=CNAFC), o Jean-Marie Andres, te Fa’atere nui no te mau Ta’atira’a ‘Utuafre  Tatorita (TUT=AFC) no te Ara-Moana, o Joseph Bodet, e te Peretiteni  vahine no te Ta’atira’a ‘Utuafare Tatorita no Porinetia, o Marie-France Frémy.

Ua fariihia’tu na te ta’atira’a no te mau matapo e matamohimohi no Porinetia, Mata Hotu, peretitenihia e Diégo Tetihia, i te mahana piti ra, e te  Peretiteni Edouard Fritch.

Ua tere atu te Fa’aterehaunui vahine no te mau Ara-Moana, o Annick Girardin, e te Peretiteni no Porinetia farani, o Edouard Fritch, e te Tomitera Teitei, o René Bidal, i te monire ra, i roto i te ta’amotu no Matuita ma, i ni’a i te motu no Hiva ’Oa.

Ua tau’aparau te Fa’aterehaunui vahine no te mau Ara-Moana, o Annick Girardin, o tei tae mai na i taua ihoa po’ipo’i ra i Tahiti, no te hō’ē tere hanahana no te roara’a e pae mahana, e te Peretiteni no Porinetia farani, o Edouard Fritch, i te po’ipo’i tapati ra, i te Peretitenira’a, i mua ato’a i te Tomitera Teitei, o René Bidal.

Ua tae mai te Fa’aterehaunui vahine no te mau Ara-Moana, o Annick Girardin, i te po’ipo’i tapati ra, i te taura’a manureva no Tahiti-Fa’a’a, no te hō’ē tere mana, piri i te hō’ē hepetoma te maorora’a i Porinetia farani nei.

Ua hina’aro papu te Peretiteni Edouard Fritch e tā’na ‘Āpo’ora ‘ahau e ha’apoupou i te faito rahi fa’ahiahia o te potii horue porinetia ra,  o Vahine Fierro, o tei haru mai i te mahana toru ra, i ‘Auteraria, i te Ti’ara‘a ‘Aito Taure’a no te Ao no te Horue WLS (Tata’ura’a  no te Ao no te Horue).