Peretītenira’a

Peretiteni , Ti’ā’au i te Ti’ara’a ‘Ōhipa, i te mau ‘Ōire e te mau Farerata e te mau Taniuniura’a (PR).

Ua farii atu te Peretiteni Edouard Fritch, i te monire avatea ra, ia Paul Manate, o tei rave na i tā’na mau ha’apiira’a teitei i e tā’na ‘ōhipa i Farani, e o te hamani mai hō’ē hoho’a teata i Porinetia nei. E ha’amata maoti mau teie hoho’a teata i te hamanihia i te tetepa i mua nei.

Ua fariihia mai te SDIRAF (Aupupu no te  Paruru i te mau Maita’i o te Feia Fa’atuha’ahia te mea Tahito e e mea ‘Api), i te mahana maha ra, e te Peretiteni Edouard Fritch. Ua hina’aro te Peretiteni o te SDIRAF, o Emile Vernier, e fa’a ‘ite i te Peretiteni Fritch e te Reforomatiora’a o te mau Fa’atuha’ara’a  ia fa’atere’auhia ia ma te ha’afaufa’a mai te ha’afaufa’ara’a i te amora’a i te uta’a o te ma’i.

Ua fariihia mai te Mono-Tavana Rahi no te tuha’a ‘Ōire no Fujian e tā’na Tomite Tere, o tei tae mai i Porinetia farani nei no te hō’ē tere hi’o, e te Peretiteni Edouard Fritch, i te Peretitenira’a i te pō mahana ma’a ra.

Ua farii atu te Peretiteni Edouard Fritch e te Fa’aterehau vahine ti’a‘au i te mau Tū’aro, o Nicole Sanquer Fareata, i te avatea mahana ma’a ra, i te Peretitenira’a, i te Tomite Fa’atere o te ‘Āmuitahira’a no te Ao no te Tū’aro Ha’ apiira’a, no te 4 ra’a o te Harura’a Ti’ara’a ‘Aito no te Ao no te Paira’a Popo i ni’a i te One (Beach volley), o te ha’amata a tapati nei i roto i te mau ‘Aua Tiare  no Pa’ofa’i.

I muri a’e i te ’Ōro’a fa’ahanahanara’a ia Boris Léontieff e ia rātou o tei mo’e na i te 23 no me 2002, ua haere atu te Peretiteni Edouard Fritch, i te mahana ma’a ra i te ’Avarira’a i te hō’ē Faretoa ’āpi na Teiva Manutahi, fa’ata’ahia no te ho’o i te Meri e no te fa’a ’amura’a manu hamani momona hane, e vai i te pae tahatai no Papeete.

Ma te ‘ape’ehia’tu e te Fa’aterehau no te Fa’ahotura’a i te mau Punavai faufa’a tumu, o Te arii Alpha, e te Fa’aterehau vahine no te ‘Ohipa, o Tea Frogier, ua ‘iriti hanahana te Peretiteni Edouard Fritch, i te po’ipo’i mahana maha ra, i te fa’anahora’a fa’aite’itera’a Tiare 2 017.