Peretītenira’a

Peretiteni , Ti’ā’au i te Ti’ara’a ‘Ōhipa, i te mau ‘Ōire e te mau Farerata e te mau Taniuniura’a (PR).

I roto i te taime vata no te «  Pacific Business Days » (Te mau Mahana ‘Imira’amoni no Patitifa ), o tei fa’atupuhia i teie iho nei hepetoma, ua farerei atu te Peretiteni Edouard Fritch, i te avatea mahana piti ra, ia Fletcher Tabuteau, Papa’parau Haunui no te mau ‘Ohipa no te Ara no Niu-Terani.

Ua farii atu te Peretiteni no Porinetia farani, o Edouard Fritch, i te avatea mahana piti ra, i te Peretiteni no te ‘Āpo’ora’arahi no Wallis e Futuna, o David Vergé, no tō’na taera’a mai i Porinetia farani nei na roto i te fa’anahora’a te “Pacific Business Days” (te mau Mahana ‘Imira’amoni no Patitifa”.

Ua fariihia’tu te Tenerera Thierry de Ladoucette, Tomana fa’atere i te SMA (Tareni Fa’ehau Fa’aautanohia), i te po’ipo’i mahana piti ra, e te Peretiteni Edouard Fritch.

Ua tae atu te Peretiteni Edouard Fritch, ’āpe’ehia’tu e te Fa’ aterehau vahine no te Fariira’a Ratere, o Nicole Bouteau e te Fa’aterehau no te Ta’ere, o Heremoana Maamaatuaiahutapu, i roto i te ’ōro’a tu’ura’a i te ’Ōfa’i Tihi Matamua roa no te ’Āua Natra ”Aora’i Tini Hau”, i te po’ipo’i mahana piti ra, i Pira’e.

Ua ‘ōrero mai te Peretiteni no Porinetia farani, o Edouard Fritch, i te po’ipo’i mahana piti ra, i tō’na mau mana’ o i raro a’ e io te Fare ‘ Ie Rahi i te Peretitenira’a, no te ‘iriti manara’a i te mau Mahana ‘Imira’a moni no Patitifa, fa’atupuhia ihoa e te mau Taiete a te mau Patorona ‘Ohipa no Patitifa Apato’a (TPPA=RPPS), tei reira ato’ a te Mono-Peretiteni o Teva Rohfritsch e te Fa’aterehau vahine no te Fariira’a Ratere, o Nicole Bouteau.

Ua ‘ōrero atu te Peretiteni no Porinetia farani, o Edouard Fritch, i te avatea mahana toru ra, i te Peretitenira’a, hō’ē ‘orerora’a i mua i te mau ta’ata o tei ‘amui mai i roto i te fa’aineinera’a no te parau tumu no te Fa’a’apira’a a te hau a te Fareha’apiira’a Haunui no te Fa’aterera’a (FHF=ENA).