Peretītenira’a

Peretiteni , Ti’ā’au i te Ti’ara’a ‘Ōhipa, i te mau ‘Ōire e te mau Farerata e te mau Taniuniura’a (PR).

Ma te ‘āpe’ehia’tu e rave rahi mau Mero no tā’na ‘Āpo’ora’ahau, ua tere atu te Peretiteni no Porinetia farani, o Edouard Frtch, i te po’ipo’i mahana maha ra, i te ‘ōutu no Vénus (Tefauroa) i Mahina, e te Tavana ‘Ōire no Mahina, o Damas Teuira, no te tu’ura’a i te ‘Ōfa’itihi no te ‘Ōpuara’a no te 

Ua farerei atu te Peretiteni Edouard Fritch e te Fa’aterehau vahine ti’a’au i te Feia ‘Āpi e te mau Tū’aro, o Nicole Sanquer-Fareata, i te mahana toru ra, i te Peretitenira’a, i te Tomite Fa’atupu i te Teahupo’o Tahiti Tata’ura’a, e o Bernadette et Max Wasna no Tahiti iti Surf Club, e o Alex Uranga, Peretiteni no te APB, Ta’atira’a na te Feia Ha’apo’anatino toro’a.

Ua ‘āmui atu te Peretiteni Edouard Fritch, o tei ‘āpe’ehia’tu e te Fa’aterehau no te Ta’ere, o Heremoana Maamaatuaiahutapu, e te Fa’aterehau vahine no te Ha’apiira’a, o Nicole Sanquer-Fareata, i te pō mahana ma’a ra, i To’ata, i roto i te patara’ahia te hoho’a penihia ra a te Pū Disney, « Moana », na roto i te reo Tahiti.

Ua fariihia’tu te Peretiteni Fa’atere Rahi  no te Taiete Manureva no Vehi, o Mark Dunkerley, i te avatea mahana ma’a ra e te Peretiteni Edouard Fritch. E Metua Papetito o Mark Dunkerley no te va’a tau’ati ra o Hokulea, o tei purutia mai na i te Fenua nei, no te rave ato’ara’a ‘oia iho i te fanora’a na ni’a i taua va’a tau’ati ra, mai Tahiti i Raiatea. Ua tae ato’a atu ‘oia i roto i teie tere e mata’ita’i ia Raioatea.

Ua farii atu te Peretiteni Edouard Fritch, ma te ‘ape’eha’tu e te Fa’aterehau no te mau Autahira’a, o Jacques Raynal, i te avatea mahana toru ra, i te Peretitenira’a, i te ho’e Tomite Tere, arata’ihia mai e te Taote vana’a ra o Pierre Dubus, taote pa’ari roa a’e no te Fare Ha’aiira’a Teitei no te mau Taote no Bordeaux, e o Philippe Vigouroux, Fa’atere Rahi no taua Pu Ha’apiira’a Tuatoru Toro’a taote ra no Bordeaux.

Ua ‘āmui atu te Peretiteni Edouard Fritch, ma te ‘āpe’ehia’tu e Nicole Bouteau, Fa’aterehau Vahine no te mau Aura’a e te mau Pūmana, i te po’ipo’i mahana toru ra, i roto i te putuputura’a mana a te ‘Āpo’ora’a Matutu Ti’arau Matau’i (CESC) o te horo’a ra i to’na mana’o i ni’a i te Fa’aaura’a no Elysée no te fa’ahotura’a ia Porinetia farani.