FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

Ua tae tino roa’tu te Peretiteni Edouard Fritch, Fa’aterehau no te mau Tū’aro, i te mahana toru iho nei, i Huahine, e i muri mai i Ra‘iātea, no te tuha‘a matamua no te hoera’a va’a Hawaiki Nui Va‘a. Ua ‘āmui atu ‘ōia i roto i te purera‘a hou a ha’amata ai te hoera‘a va’a, i te tu’ura’a i roto i te miti i te mau va’a, e i muri mai, i te tuha’a matamua i rotopu ia Huahine e o Ra’iātea, no te ateara’a e 44 kirometera.

Ua tae atu te Peretiteni no Porinetia farani, o Edouard Fritch, ma te ‘ape’ehia’tu e te Fa’ aterehau note ‘Ea, te taote Jacques Raynal, i te po’ipo’i mahana piti ra, i te Farehau no te ‘Ōire no Pira’e, i roto i te Rurura’a no te fa’aho’ira’a mai i te tuatapapara’ a a te OMS (Pu Manava no te ‘EA) no ni’ a i te ‘Ea Roro i Porinetia farani nei.

Ua ‘iriti te Peretiteni no te  ‘Etaretia Porotetani  Maohi, o Taaroanui Maraea, i te avatea mahana ma’a ra, e te Peretiteni Edouard Fritch, i te putuputura’a rahi o te feia ‘āpi protetani no Tahiti no te 500 ra’a o te matahiti i tupu na ai te Reforomatiora’a Porotetani.

Ua fariihia’tu te Tavana ‘Ōire no Fakarava, o Tuhoe Tekurio, o tei ‘āpe’ehia mai e te mau Tavana ‘Ōire mono no Niau, Aratika e Kauehi, i te mahana pae ra, e te Peretiteni Edouard Fritch.

No te pae po’ipo’i hope’a no te Rurura’anui piti-matahiti a te mau Tavana ‘Ōire no Tuamotu, ua haere atu te Peretiteni, i te mahana pae ra, i te titau manihinirta’a a te Aupupu no te mau ‘Ōire no Tuamotu-Ma’areva, no te ‘aitauira’a mana’o e te Haunui, te Peretiteni no te ‘Āpo’ora’ arahi, te CGF e te SPCPF.

Ua mata ‘ite mai te ‘Āpo’ora’arahi  no Porinetia farani, i te mahana maha iho nei, i te parau ha’apapa a te ‘Āpo’ora’ahau no ni’a i te Tau’aparaura’a i te ‘Avei’a o te ‘Āfata terera’a faufa’a fa’anahohia ra no te mā’itira’a i te ‘Āfata terera’a faufa’a metua no te matahiti 2018.

article thumbnailUa tupu te ‘Āpo’ora’a a te mau fa’aterehau, i te mahana toru ra, i te Peretitenira’a no Porinetia farani.  
A hi o i te tahi e atu mau āpo’ora’a a te mau fa’aterehau