FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

I teie iho nei po’ipo’i monire, ua vauvau atu te Peretiteni Edouard Fritch e te mau mero no tā’nā ‘Āpo’ora’ahau, i te Tareni « Āutahira’a Vanuatu » no te mata’i rorofa’i ‘ū’ana Pam o tei nina na i te mahana pae ra i taua Ta’amotu ra, e i te ti’aorora’a a te Peretiteni no te Repupirita no Vanuatu, o Baldwin Lonsdale,  i te tauturu a to te ao nei.

Ua fa’atae atu te Peretiteni no Porinetia farani, o Edouard Fritch, i te hō’ē ’ēpitetore i te Fa’aterehaunui Matamua no Vanuatu no te fa’a’ite papu atu i ta’na turu tamahanahana e i te tapa’o aroha i te ta’ato’ara’a no te nūna’a huira’atira no taua Ta’amotu ra na roto i te ninara’a a te mata’i rorofa’i ra o Pam.

Ua tae atu te Peretiteni Edouard Fritch e e rave rahi no tā’nā mau mero ‘Āpo’ora’ahau i te mahana pae ra, i te Āorai no te Tiripuna no Papeete no te ha’amaura’a no na Ha’ava ‘āpi e Toru.

I po’ipo’i mahana pae ra, ia te fare ha’apiiraa tuarua toro’a hotera no Punaauia, ua ‘iriti te Peretiteni no Porinetia farani, o Edouard Fritch, i te rurura’a a te mau ‘āivana’a no te Pū a te Haunui no te Fa’a’āpira’a i te Taura ‘Ōire (ANRU = PFTO) no ni’a i te parau no te mau fa’a’āpira’a i te mau pototita no te fa’a’āpira’a i te taura ‘oire i Porinetia farani nei. Ua ‘āmui a to’a atu te Tōmitera Teitei, o Lionel Beffre, e tae noa’tu i te Fa’aterehau no te Nohora’a, o Tearii Alpha, te Fa’aterehau vahine no te ‘Ōhipa, o Tea Frogier, e te Tepute Jonas Tahuaitu i roto i taua ‘ōro’a ‘iritira’a ra.

I te fa’aōtira’a te ‘Āpo’ora’a a te mau Fa’aterehau, ua farii atu te Peretiteni Edouard Fritch e tā’nā mau Fa’aterehau, i teie iho nei mahana, i te Peretitenira’a,  i te ta’ata himene ra ia Garou no te inuinu i te tahi hapaina auhoara’a.

Ua hope te tere ‘ōhipa  o te Fa’aterehaunui vahine, o George Pau-Langevin i Porinetia farani nei. Ua rave fa’ahou atu ‘ōia i te manureva no te ho’i atu i Paris, i te pō mahana toru iho nei, i muri a’e e 3 mahana hi’ohi’ora’a e farereira’a.

article thumbnailUa tupu te ‘Āpo’ora’a a te mau fa’aterehau, i te mahana toru ra, i te Peretitenira’a no Porinetia farani.  
A hi o i te tahi e atu mau āpo’ora’a a te mau fa’aterehau