FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

I te mahana toru ra,  ua ‘āpe’e atu te Peretiteni Edouard Fritch i te Fa’aterehaunui vahine no te mau Āramoana o George Pau-Langevin i roto i tō’nā tere i Manihi e i Maupiti atu ai. I roto i taua Tomite tere ra, te vaira ato’a ra, te Tōmitera Teitei, o Lionel Beffre, te Fa’aterehau no te Fariira’a ratere, o Jean-Christophe Bouissou, te Fa’aterehau no te Patura’a, o Albert Solia e tae noa’tu i na Tepute e toru no Porinetia farani nei, o Maina Sage, o Jean-Paul Tuaiva e o Jonas Tahuaitu.

I te ahiahi mahana piti ra, ua pine atu te Peretiteni no Porinetia farani, o Edouard Fritch, i te Feti’a Hanahana no Tahiti Nui i ni’a ia Hervé Dubost-Martin, peretiteni fa’atererahi no te taiete EDT (Pū Horo’ara’a Uira no Tahiti) o te reva ra i muri a’e e 8 rahira’a matahiti tō’nā ‘ōhipara’a mai na i Porinetia farani nei.

Ua tere atu te Peretiteni Edouard Fritch i te mahana piti ra i Rurutu e i Tubua’i, i roto i te Ta’amotu no Tuha’apae mā, na piha’iiho i te Fa’aterehaunui vahine, o George Pau-Langevin, e tae noa’tu i te Tōmitera Teitei, ia Lionel Beffre, e i te mau Fa’aterehau o Nicole Sanquer-Fareata e o Albert Solia.

Ua ‘āpe’e atu te Peretiteni no Porinetia farani, o Edouard Fritch, i te Fa’aterehaunui vahine, o George Pau-Langevin i roto i tō’nā mau tere farerei, i te monire ra, i Papeete, i muri mai i Pirae, i ni’a i te tahua ‘ōhipara’a no te fenua ra no Labbé. Ua tere ato’a atu te Fa’aterehaunui vahine, i te avatea i te Fare no te Tama i Punaauia.

Ma te ‘āpe’ehia e te Tōmitera Teitei, o Lionel Beffre, e te mau Tepute o Maina Sage, o Jean-Paul Tuaiva e o Jonas Tahuaitu, e tae noa’tu i te mau Mero no te ‘Āpo’ora’ahau, ua haere atu te Peretiteni no Porinetia farani, o Edouard Fritch,  i te po’ipo’i monire ra, i te tahua taura’a manureva no Tahiti-Faaa, no te farii atu i te Fa’aterehaunui vahine no te mau Āramoana, o Geaorge Pau-Langevin, o tei teremana mai i Porinetia farani nei, no te roara’a e 3 mahana.

Ua tae mai te Fa’aterehaunui vahine no te mau Fenua Aramoana, o George Pau-Langevin, i te monire po’ipo’i iho nei, i Porinetia nei. Ua fariihia’tu ‘ōia i te Tahua taura’a manureva no Tahiti-Faaa, e te Peretiteni no Porinetia farani, o Edouard Fritch e te ta’ato’ara’a no tā’nā ‘Āpo’ora’ahau.

article thumbnailUa tupu te ‘Āpo’ora’a a te mau fa’aterehau, i te mahana toru ra, i te Peretitenira’a no Porinetia farani.  
A hi o i te tahi e atu mau āpo’ora’a a te mau fa’aterehau