FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

I te mahana maha ra, ua fāri’i atu te Peretiteni no Porinetia farani, o Edouard Fritch, i ni’a i tā’nā ‘iri ‘āmura’a no te ‘āvatea, i te Ti’amana ‘Āuvaha no Niu-Terani i Nouméa, o Linda Te Puni, i roto i tō nā tere farerei hope’a i Porinetia farani nei, na ni’a i t tō nā Ti’ara’a ei Ti’amana ‘Āuvaha rahi no te mau fenua farani no Patitifa.

Ma te ‘āpe’ehia’tu e te mau mero no tā nā ‘Āpo’ora’ahau, ua tu’u te Peretiteni Edouard Fritch i te po’ipo’i mahana toru iho nei i te ‘ōfa’i tihi no te mau nohora’a totiare horo’atarahu no te mau Tira no Teroma i Fa’aa. Ua tae ato’a atu te Tavana ‘oire no Fa’aa o Oscar Temaru tane.

Ua ‘āmui pa’ato’a atu te Peretiteni Edouard Fritch e te ta’ato’ara’a no ta na ‘Āpo’ora’ahau, i te po’ipo’i mahana piti iho nei, ma te ‘āpitihia mai e te Tavana ‘ōire no Faaa o Oscar Temaru e Tā nā ‘Āpo’ora’a ‘ōire i te ‘āvarira’a i te Purahi faretoa « Pacific Plaza », e vai i Auae.

Ua putapū roa te Peretiteni no Porinetia farani, o Eduard Fritch, i tō nā fa’aro’ora’a e ua fa’aru’eroa mai o Germain Schyle, te metua tane o Philippe Schyle, ii Niu-Taratoni na roto i te hō’ē ma’i maoro o tā nā i auta noa mai na.

Ua vauvau atu te Peretiteni Edouard Fritch e tā nā ‘Āpo’ora’ahau, i te po’ipo’i mahana piti iho nei, i te ‘ōpuara’a ‘Āfata terera’a faufa’a a te Fenua no te matahiti 2015, i mua i te mau mero no te ‘Āpo’ora’a Matutu Ti’arau Matau’i no Porinetia farani.

Ma te ‘āpe’ehia e te Tōmitera Teitei, Lionel Beffre, te tepute Jean-Paul Tuaiva, te Fa’aterehau vahine no te Ha’api’ira’a o Nicole Sanquer-Fareata, ua rave te Peretiteni no Porinetia farani, o Edouard Fritch, i te po’ipo’i monire ra, i te ‘ōro’a tu’ura’a i te ’ōfa’aitihi no te fare ha’api’ira’a pirituarua no Teva i Uta, i ni’a i te fenua ra no Atimaono, e te reira i mua ia  te aro o te Tavana ‘ōire e Fa’aterehau Tearii Alpha.

article thumbnailUa tupu te ‘Āpo’ora’a a te mau fa’aterehau, i te mahana toru ra, i te Peretitenira’a no Porinetia farani.   
A hi o i te tahi e atu mau āpo’ora’a a te mau fa’aterehau