FĀRI’IRA’A

TE MAU TAPURA ‘OHIPA A TE ‘APO’ORA’AHAU NO PORINETIA FARANI

Ua ha’aputuputu te Fa’aterehau no te Nohora’a, o Jean-Christophe Bouissou, e te Fa’atere Rahi no te Oph (Pu Nohora’a Porinetia), o Moana Blanchard, i te mahana pae ra, i te mau mero no te Tomite fa’atere no te horo ‘ara ‘a i te mau tauturu moni o te nohora’a no te ha’amaita’i i te mau nohora’a, a te OPH, i Pira’e.

Ua farerei mai te Fa’atere Rahi no te mau Pu ‘Ohipa ‘Iritira’a Ture, o Rémi Schenberg, e te Fa’atere no te Tuha’ a Papa’ira’a Parau a te Timite ha’afaufa’ara’a e no te mau hi’opo’ara’a  i te mau porotita a te hau i roto i te ‘Apo’ora’a ‘Iritira’a Ture, o Philippe Lamy, o tei ‘ape’ehia mai raua e Jeanne Santini, Papa’i Parau Rahi no te ‘Apo’ora’a Rahi no Porinetia farani, i te po’ipo’i mahana maha ho nei i te po’ipo’i, i te Peretiten Edouard  Fritch.

Ua ‘iriti mana te Mono Peretiteni, o Teva Rohfritsch, i te monire ra, i Punaauia, i te ‘Apo’ora’anui  no te Ao nei no ni’a i te mau « Motu Pa’epa’e », fa’atupuhia e te Pu Ti’ara’amiti (Institute Seasteading).

Uiuihia no ni’a iho i te mau uira’a no te fa’anahora’a e no te mauha’ a ‘ea, te tamau noa nei te Tomite no te fa’anahora’a ‘ea (COS) i te hi’opo’araa no te hi’o fa’ahoura’a i te tareta ‘ea. Ua putuputu fa’ahou ‘ōia i te avatea monire ra, i te Peretitenira’a, e te Fa’aterehau no te mau Autahira’a e no te ‘ Ea, te Taote Jacques Raynal.

I muri a’e i te nominora’ahia te Fa’aterehaunui Matamua, o Edouard Philippe, i teie iho nei monire, ua fareiihia mai te Peretiteni o tei ‘āpe’ehia’tu e te To’ofa vahine, o Lana Tetuanui, e Jean-Paul  Delevoye, Ti’a fatata roa no te Peretiteni o te Repupirita farani, e tae noa’tu ia Cédric O, i te Pū Rahi a « A Haere ana’e ».

Ua tae  atu te Fa’aterehau vahine no te Ha’apiira’a, o Nicole Sanquer-Fareata e te Fa’aterehau vahine no te ‘Ihi mā’imira’a, o Tea Frogier, i te avatea mahana toru ra, i te Fare Ha apiira’ a Tuarua Tuianu Legayic no Papara, i te ‘operera’a i te mau re no te tata’ura’a no te mau TPE  maitata’ i roa a’e a te mau Piahi no te Piha 1 S’Ihi Mā’imira’a no Porinetia farani.